Cultura urbana con moito son

Santiago de Compostela acolle un dos eventos máis importantes do Norte da Península dentro da escena do hip hop, o Microfest, que este outono chega á súa oitava edición. O festival de cultura urbana máis consolidado de Galicia aposta sempre por un programa variado e heteroxéneo, tanto pola multitude de actividades que se desenvolven coma pola confluencia de artistas consolidados de grande éxito. Todos os concertos terán lugar na Sala Capitol, a partir das 21.00 horas.

Para esta edición, enmarcada nos eventos destacados do Xacobeo 2010, Microfest e a web Galiciaflow.net impulsaron  a edición do CD “Galiciaflow VOL.1”, que compila 20 cancións co mellor e máis actual do panorama rap en Galicia.

Microfest comezará o 12 de novembro cun dos artistas galegos más representativos da escena hip hop, Rack Eterno, que trae os novos temas do seu traballo “El Asesinato de la Creación”. A el súmase ese día o sevillano Tote King, un dos máis respectados rapeiros de España, que presenta “El Lado Oscuro de Gandhi”.

Na segunda xornada, o 26 de novembro, proxectarase en Arteria Noroeste, ás 16.00 horas, o documental "Días de asfalto y tinta", un percorrido polo pasado, presente e futuro do hip hop que lanzou a revista Hip Hop Life con motivo do seu primeiro aniversario. A continuación, celebrarase un foro con Dobleache, David Moreu e El Galgo.

Xa pola noite actuarán o trío valenciano Cookin Soul xunto cun animador de luxo, Mbaka; o rapeiro coruñés El Pablo Ese, que presenta "A mi madre le gustan mis raps"; a banda de Santiago de Compostela 504, que chega co seu LP homónimo; e Shelar & Erin, dous dos principais referentes da escena hip hop compostelá e galega, que agora asocian o seu talento para esta nova edición do Microfest.

A última xornada, o 27 de novembro, comezará en Arteria Noroeste cun obradoiro de letras de rap impartido por El Chojín, un dos artistas máis coñecidos e representativos do rap en España. Este obradoiro está pensado para fomentar valores coma o respecto, a autoestima e a non violencia. A participación é gratuíta para todos os posuidores do bono Microfest, previa inscrición en info@microfest.net

Os encargados de clausurar Microfest na Sala Capitol serán o madrileño Swan Fyahbwoy, revelación da escena reggae/dancehall e fundador do colectivo Madrid Dancehall Crew; e Seis Senseis, grupo de A Coruña que presenta “Don’t stop the rap”, un maxi composto por tres cancións, que estará en descarga libre na internet.

Datas: 12, 26 e 27 de novembro

VENDA DE ENTRADAS

BONOS 3 DÍAS. Precio: 20* €  SÓ ON-LINE EN WWW.MICROFEST.NET
12 NOV.  Anticipada 12* €  |  Despacho de billetes 16 €
26 NOV.  Anticipada 5* €  | Despacho de billetes 10 €
27 NOV.  Anticipada 8* € | Despacho de billetes 10 €

*gastos de distribución non incluídos

Á venda en:

www.microfest .com
www.laboleteria.es
Santiago DC: Gong Discos, Fat Fly
A Coruña: Portobello
Pontevedra: Tipo
Vigo: Elepé, Tipo

 Multimedia

Tote King

504

El Chojín

Cookin' Soul

Mbaka

Swan Fyahbwoy

El Pablo Ese

Rack Eterno

Shelar

• 
• 
• 
• 
• 
• 
• 
• 
•