981festival convídate a bailar

Chegamos á sexta edición do Festival de Música Electrónica da Coruña, o 981festival Son Estrella Galicia, unha oportunidade para cargar pilas no outono cos ritmos de artistas de importancia internacional que propoñen espectáculos audiovisuais de alta voltaxe. A cita, como sempre, no perfecto complexo Playa Club da Coruña. Música non-stop para mover o corpo toda a noite.

Unha nova edición que chega cunha gran novidade, o Off981, a versión de día do festival, unha aposta sen concesións pola vangarda e as novas tendencias, e toda unha declaración de progreso nun novo espazo complementario onde a arte e a música irán da man, o Museo de Arte Contemporáneo de Gas Natural Fenosa MACUF. Alí instalaranse dous novos escenarios, que complementan aos outros tres do 981festival, para dar cabida á vangarda independente, vista dende perspectivas moi distintas como o UK funk, skweee, hip-hop, postpunk, ambient, IDM, math rock, pop experimental, kraut, brain dance ou música concreta. Lendas como Cluster e promesas como Dels inaugurarán esta sección Off981.

Ambos os dous súmanse ao cartel desta sexta edición do 981festival, no que están, entre outros, Gilles Peterson, Hudson Mohawke, Who Made Who, Crystal Fighters, Theo Parrish, Naive New Beaters e Luke Abbott.

A bailar!

 Multimedia

981

981

981

981

• 
• 
• 
•